[原創故事] 對不起！我沒有趕上Deadline，但…(第二話)

<第二話>

半夜嘅message 一定冇好嘢。呀澄一口咬定係LKF。

「我都已經連星期日都一個人返黎做到半夜，都已經得返半條人命，LKF唔係仲催呀？唔好Read個message住喇，唔通話我困左係後樓梯道咩。我都係快D揾出路打的返公司，搞掂晒先覆佢，咁就唔洗俾佢再煩。」呀澄就係咁，廢盡吃奶的力也要做好呢份工。依家自己都就捱唔住，仲有邊個會擔心果D Financial。」

三步拼二步，呀澄終於發現唔對路，因乜事行極都仲有得行架?! 就係呢個時候，係Exit牌呀！

「終於到喇，呢棟大廈要改成地下軍事基地咩，兜黎兜去，行到我丫，好彩仲趕得切，今期10月終於有我份升職喇掛。

呀澄發夢都冇諗到，一出嚟咁熟口面嘅。呢度咪係夏慤花園！當佢仲未知道發生緊乜事嘅時候，黑暗中佢見到幾個中環上班族打扮嘅年輕人，向住佢叫Alex Alex ...仲跑到呀澄面前。

「Alex，依家點算呀？查到黎喇。」 嬌小玲瓏的一個哭著說。

「你地認錯人喇，我唔係..... 」

呀澄未講完已又被煲煙男打斷。「Alex，你唔係依家玩失憶呀？商業罪案調查科已經開始逐個揾我地，你有話有計劃，計劃係點架？」

呀澄打量一下各人，呢班人係加班加到傻左定拍丸Hi大左?一個喊到個妝都溶晒，一個似乎煲左幾包煙，一個眼神呆滯粒聲唔出，生意失敗樣。熟悉嘅場景，似有還無...

呯！