[原創故事] 對不起！我沒有趕上Deadline，但… (第六話)

<第六話>

「我冇錯！就算係都淨係對唔住Zoe。Zoe，我咁做到此係為咗我哋將來美好嘅生活。我應承過你30歲就要娶你，一定係住大屋，坐靚車，你會做個無憂無慮最幸福嘅女人。」

「八九十後係社會上根本冇機會！上咗岸嘅老屎忽日日蛇王，對年輕人指指點點。你哋年輕嘅時候香港啱啱開始發展，你哋食住條水，努力就會有出頭天。我哋而家冇呢支歌仔唱，點努力都買唔到樓。投錯胎輸在起跑線就根本冇得鬥。你班老屎忽仲係度幸災樂禍。我依家只係用自己嘅方法向上游，有乜錯？」呀澄眼神怨恨地對扭曲嘅社會作出控訴。

呀澄以為自已經戰勝了，以為一切都要完結，趕緊整理一吓他視為命根的Financial。怎知整棟大廈劇烈地搖晃，就好似呀澄在四川出Job時預上地震九死一生一樣。「唔通真係在數難逃？」周圍嘅雜物不斷跌下，光管亦相繼爆破，苟延殘喘嘅光線中可見牆壁開始破裂。

本能地不斷行下跑嘅呀澄見到一個久違了嘅背影。長長的秀髮，淡淡嘅香味令呀澄暫時忘卻左恐懼。女孩來不及轉過頭來便一手抓著呀澄拼命地向前跑。

「Zoe，原來你冇死到！」呀澄雖然已經係人渣級，但對一起生活左成十年嘅Zoe還是有一點點感情，畢竟係初戀。

「... 」Zoe默默不語。

以前嘅Zoe臉上永遠掛著那讓人溶化而且真摯嘅笑容，心地善良的她就好像大家嘅天使一樣。出黎社會後更多了一種成熟性感的美。為何眼前嘅Zoe冷若冰霜，雖然柔弱依然，眼神卻彷彿能發出穿透人心嘅冰箭。呀澄雖然內疚，但佢相信Zoe始終唔會害佢。

「Zoe，對唔住。我知已經鑄成大錯，但求你幫埋我今次丫。你有辦法帶我離開冧整嘅樓，你一定有辦法送我返老闆Office。我應承你，今次係最後一次求你，升職後我會揾最她嘅法師幫你超渡，送你去好快樂嘅天堂。」良久嘅沉默另呀澄開始變得不安，就好似當年呀澄求Zoe幫佢認罪樣咁樣。

[原創故事] 對不起！我沒有趕上Deadline，但… (第五話)

「我冇錯！就算係都淨係對唔住Zoe。Zoe，我咁做到此係為咗我哋將來美好嘅生活。我應承過你30歲就要娶你，一定係住大屋，坐靚車，你會做個無憂無慮最幸福嘅女人。」

「八九十後係社會上根本冇機會！上咗岸嘅老屎忽日日蛇王，對年輕人指指點點。你哋年輕嘅時候香港啱啱開始發展，你哋食住條水，努力就會有出頭天。我哋而家冇呢支歌仔唱，點努力都買唔到樓。投錯胎輸在起跑線就根本冇得鬥。你班老屎忽仲係度幸災樂禍。我依家只係用自己嘅方法向上游，有乜錯？」呀澄眼神怨恨地對扭曲嘅社會作出控訴。

呀澄以為自已經戰勝了，以為一切都要完結，趕緊整理一吓他視為命根的Financial。怎知整棟大廈劇烈地搖晃，就好似呀澄在四川出Job時預上地震九死一生一樣。「唔通真係在數難逃？」周圍嘅雜物不斷跌下，光管亦相繼爆破，苟延殘喘嘅光線中可見牆壁開始破裂。

本能地不斷行下跑嘅呀澄見到一個久違了嘅背影。長長的秀髮，淡淡嘅香味令呀澄暫時忘卻左恐懼。女孩來不及轉過頭來便一手抓著呀澄拼命地向前跑。

「Zoe，原來你冇死到！」呀澄雖然已經係人渣級，但對一起生活左成十年嘅Zoe還是有一點點感情，畢竟係初戀。

「... 」Zoe默默不語。

以前嘅Zoe臉上永遠掛著那讓人溶化而且真摯嘅笑容，心地善良的她就好像大家嘅天使一樣。出黎社會後更多了一種成熟性感的美。為何眼前嘅Zoe冷若冰霜，雖然柔弱依然，眼神卻彷彿能發出穿透人心嘅冰箭。呀澄雖然內疚，但佢相信Zoe始終唔會害佢。

「Zoe，對唔住。我知已經鑄成大錯，但求你幫埋我今次丫。你有辦法帶我離開冧整嘅樓，你一定有辦法送我返老闆Office。我應承你，今次係最後一次求你，升職後我會揾最她嘅法師幫你超渡，送你去好快樂嘅天堂。」良久嘅沉默另呀澄開始變得不安，就好似當年呀澄求Zoe幫佢認罪樣咁樣。

[原創故事] 對不起！我沒有趕上Deadline，但… (第四話)

<第四話>

「呀澄，俾你揀多次！出賣你嘅朋友轉做污點證人定坦白從寬？揀！」

「我根本無得揀，唔轉做污點證人，坐監嗰個就係我，我有得揀咩？我係一個會計嚟架，Game Theory 俾任何人都仲要熟悉。呢個世界唔係你出賣，我就係我出賣你。根本冇人靠得住！我唔講其他人都會講架啦。去到呢個境地，人不為己，天誅地滅。」呀澄將佢亦係心入面嘅諗法一次過講晒出嚟。

「咁你有冇諗過佢哋？」魔鬼唔等呀澄回應已自顧自地說下去。

「你以為做鴕鳥就得㗎啦那咩！你出賣完佢哋，再將你做嘅嘢都推晒落佢哋身上，佢哋坐監嘅時候你去咗邊啊？連一個問候都冇，斷絕晒聯絡。我依家就話俾你知佢哋嘅下場。」

「我唔要聽，我唔想知。我要升職，你快啲送我返公司，我要交Working。」呀澄唔怕死，最怕冇得升職，佢竟然呢個時候仲敢呼喝魔鬼。魔鬼完全冇理呀澄，「

你果三個朋友，一個捱唔住牢獄之苦同壓力癲左，餘生睇來都要係青山入面渡過。另一個出獄後妻離子散，冇咗個專業資格，個底又花咗，而家淨係可以去到垃圾。」

呀澄轉做污點證人後就一直避開果三個朋友，還有一點人性的他，頭一回知道他們嘅下場不禁有點淡淡嘅憂傷，不過比較著緊還是第三個朋友，到底第三個點？

「你心入面梗係諗緊第三個點啦？我就話你知，果個可憐嘅女仔，自殺死左了！

「呀澄一時間接受唔到。畢竟…Zoe ，我係真心愛你架。」呀澄在心呼換著對Zoe 的愛，不過一切也愛得太遲。「

呀澄，你噁唔噁心。虧你仲話愛Zoe， 你當年個怖局都幾出色丫。Zoe十年嘅青春，最好嘅年華都比晒你，你個禽獸竟然用分手迫Zoe幫你愉資料？」

呀澄實受不了良心嘅譴責，大叫「我依家就話俾你聽，揀多次我都係咁揀！」

「就如你所願！」

巨大嘅漩渦恢所有野都摧毁，呀澄被捲入呢個漩渦之中，但他仍不忘牢牢地抱緊那份financial。當佢恢復意識嘅時候，佢又返到嚟呢條熟悉嘅樓梯。「我未死，我命不該絶！」個呀澄經歷你一役之後，佢發現自己已經變得虛弱，全身已經冒着冷汗，手亦都開始震起黎。

[原創故事] 對不起！我沒有趕上Deadline，但… (第三話)

<第三話>

拳頭擊中身體嘅聲音劃破左過去幾秒黑漆而沉默嘅金鐘。

「痴線架你！」被認作Alex的呀澄怒吼！

「痴線果個係你呀！你已經害到呀威痴痴呆呆，佢已經俾調查科班人盤左幾日喇，日問到夜，夜問到日，份工都冇埋，佢為左保住你炸。」煲煙男口中嘅呀威大概就係生意失敗男。

「Alex, 不如你自首啦，成件成根本就唔關呀威事」楚楚可憐靚女哭聲中依稀聽到佢哀求著。

「Alex,收手啦！賣左成年client D 資料，我地都有賺啦。班調查科嘅人講黎講去都得你最尾單野D料，就係因為咁佢地先係咁迫呀威，想佢俾料鋤死你。只要你自首啦，佢地就會放過呀威。」煲煙男繼續威脅。

「如果你唔去，我去！我地幾個由細玩到大，唔可以要呀威一個人頂晒！」煲煙男實在忍無可忍。

呀澄黑前一眼就被煲煙男勁道十足嘅拳打暈左。

頭痛得要死，勉強睜開眼後呀澄發現面前係一杯倒瀉左嘅咖啡。

「哎喲，熱死人。點解我無啦啦又返左黎呢個調查室」呀澄望住灼傷嘅手，「報應呀，係報應... 偏偏就係我趕住交Financial等升職嘅時候.... 」

「哥仔！呀Sir唔得閒陪你玩。你究竟係咪轉做污點證人？」調查科嘅人作出最後嘅警告。

呀澄呢一刻異常咁鎮定。因為佢係清白嘅？因為佢知道鋤唔入佢？定因為佢諗住同人講我係呀澄唔係Alex?通通都唔係，佢咁鎮只係因為佢已經經歷過。每個人也有自己嘅過去，呀澄都唔例外。佢曾經以為佢醜陋嘅過去可以永遠成為歷史，唔好去諗，唔好提，唔好再同相關嘅人來往，就可以洗去呢個人生污點。可是冥冥中自有主宰，呀澄又返到呢個痛苦一刻。

世界就係呢一秒靜止，突然一把令人毛骨悚然嘅聲音穿破呀澄嘅靈魂。

[原創故事] 對不起！我沒有趕上Deadline，但…(第二話)

<第二話>

半夜嘅message 一定冇好嘢。呀澄一口咬定係LKF。

「我都已經連星期日都一個人返黎做到半夜，都已經得返半條人命，LKF唔係仲催呀？唔好Read個message住喇，唔通話我困左係後樓梯道咩。我都係快D揾出路打的返公司，搞掂晒先覆佢，咁就唔洗俾佢再煩。」呀澄就係咁，廢盡吃奶的力也要做好呢份工。依家自己都就捱唔住，仲有邊個會擔心果D Financial。」

三步拼二步，呀澄終於發現唔對路，因乜事行極都仲有得行架?! 就係呢個時候，係Exit牌呀！

「終於到喇，呢棟大廈要改成地下軍事基地咩，兜黎兜去，行到我丫，好彩仲趕得切，今期10月終於有我份升職喇掛。

呀澄發夢都冇諗到，一出嚟咁熟口面嘅。呢度咪係夏慤花園！當佢仲未知道發生緊乜事嘅時候，黑暗中佢見到幾個中環上班族打扮嘅年輕人，向住佢叫Alex Alex ...仲跑到呀澄面前。

「Alex，依家點算呀？查到黎喇。」 嬌小玲瓏的一個哭著說。

「你地認錯人喇，我唔係..... 」

呀澄未講完已又被煲煙男打斷。「Alex，你唔係依家玩失憶呀？商業罪案調查科已經開始逐個揾我地，你有話有計劃，計劃係點架？」

呀澄打量一下各人，呢班人係加班加到傻左定拍丸Hi大左?一個喊到個妝都溶晒，一個似乎煲左幾包煙，一個眼神呆滯粒聲唔出，生意失敗樣。熟悉嘅場景，似有還無...

呯！

[原創故事] 對不起！我沒有趕上Deadline，但…(第一話)

做咗Big Four幾年，那些人、那些說話、那些事、那些感覺，唯有用故事才能夠完完整整咁表達出嚟…
真真假假，假假真真，如有雷同實屬巧合。



到底點先可以離開呢棟大廈？

<第一話>

陳梓澄，廿幾歲，一個典型的八九十後上班族。絕無諗過穩穩陣陣做個Auditor都會遇上呢啲事。

呀澄除下他那件辛辛苦苦捱咗成個月麵包先捨得買的Paul Smith西裝外套。舊式的商業大廈到了晚上已經冇晒冷氣，呀澄汗如雨下。連日的通頂趕交Working本已身心疲累的呀澄不楚心中納悶。

「日日好地地，啱啱遇上剛剛，就係襯我趕住聽朝九點前交Report俾Manager就停。停你就停好啦，點解呢個時候仲要整後樓梯？ 仲要兜幾耐先出到去架？咁Cheap嘅Client公司就咪接啦! 」

商場就係咁，冇乜人會同你講真話。呀澄係呢個時候就諗起果個嘴賤但又有幾分中肯嘅Mentor講嘅說話。

「你係咪RP呀? …係Big 4撈左咁耐連乜係RP你都唔知，你有冇咪天真呀？RP = Related Party呀。簡單D講你的父親如何，你的日子也如何！你老豆係咪Big 4嘅 Partner？咁你係咪尊貴Client D仔？你講一聲係，認你做大哥，以後緊你搵食! 包補你隻隻Job都係甲級寫字樓，唔洗返大陸，OT有補水。如果唔係你就認命啦。未聽過這些機會不是你的嗎？」

Law Kwong Fai，行內叫慣initial，個個叫佢LKF。你話佢嘴賤咩？但確又字字鏗鏘，無反駁嘅餘地，好過好多滿口仁義道德但用到你盡嘅經理。

「今次呢隻係太古廣場三期…隔隔隔隔隔隔…離果D舊式商業大廈，一間藥業公司，不過時間都幾趕下，四個同事一個星期應該搞得掂架喇。」

「下，上年六個同事都搞左二個星期喎…」呀澄@#$%^&…

「拿，乖乖地Lead好呢隻Job，好彩升左經理，咪有好多Junior任你點囉。唔好再成日怨D Job 唔好喇!」

諗到呢道，呀澄又振作起來。行樓梯咪行樓梯，冇冷氣咪冇冷氣，「我總有出頭天！」十五層的商業大廈，由於體力透支迷迷糊糊，呀澄根來本沒有發現自己已經行左成半個鐘。

叮…收到短訊的聲音劃破了周圍的死靜。亦是這一聲令呀澄回神過來。望一望手錶先驚覺已經係凌晨四點幾，正確來說是四點四十四分。