入大尾督唔BBQ食乜好 - 忠誠茶座泰國菜

入大尾督唔一定係BBQ嘅！行吓海邊，划吓艇仔，放個風箏，食個忠誠泰國菜就完美了。由細細個爸爸媽媽帶我去食，到依家帶返佢地食，感覺依然正！
如果假日去的話一定一定要訂位，要不然請五點九乖乖在門口等開門。啱啱個週末兩口子沒訂位，五點九入七點三交枱，事因每次我都walk-in，如想想知訂位客有冇交枱時限還請大家打電話去問一吓喲。


蝦醬肉鬆抄飯 約$68
女孩子一向少食飯，但呢個飯抗拒不了，色香味俱全。

香甜咖哩牛腩  約$72
對小孩子或會吃得出有點微辣，但大人可絕對ok! 牛腩亦燘得好靚，不過肉的份量不太多，兩個人剛好。

煎薄餅 約$38
其實果度有兩款薄餅，焗同煎。焗的一串上枱，賣相有趣，脆卡卡。不過是次點的是煎薄餅，六塊薄片，點咖哩食一流。

豬肉生菜包 $68
呢個還是第一次叫，個肉醃得好"東南亞"，醒胃！不過係辣嫁辣嫁，冇得少辣走辣，食得辣先好叫。個生菜呢，老實說一般般，葉邊有幾塊有少少啡邊。

如果你住大埔又或者入開大尾督踩單車，不妨試一吓，可能你會愛上它。
忠誠茶座泰國菜 (大埔)
大埔汀角路大尾篤村69B-72號地下

Big 4 趣聞-Stocktake <盤點篇>

先申利，有親身經歷亦有同事同公司流傳，如果下下都係自己經歷就大獲XD
Stocktake (盤點) Junior 必經之路，每逢年結起碼會有一兩次，男仔就命中機會300%。


個案一
雞雞羊羊對某些公司來說為不動產，究竟應該如何點算這些會動的不動產？
幻想一下，黑黑暗暗的雞隻養殖，成n多隻雞走來走去，咯咯咯咯⋯⋯正面臨崩潰之際，想到了！為了完成工作，但亦要秒速逃離這充滿咯咯聲和氣味的現場，同事偷偷舉起了他的照相機結束了他的審計生涯。為什麼？雞場和項目合夥人也同告崩潰了。可憐的雞隻門瘋狂亂叫，互想攻擊，因為牠們都盲了⋯⋯下文不用說了吧


個案二
盤點係Junior嘅"專利"，除夕前後都唔洗諗住約人，亦要有心理準備孤獨一人渡過。幻想一下除夕獨自一人坐飛機返內地，搭正十二點在客戶帶領下爬上高塔，細看一望無際的油田。沒錯你任務成功完成了！你大可藉著這千載難逢的機會，感受一下天一合一，銀河繁星，細聲萬賴的聲音。咁當然，如果你有幸同心儀的他或她出job，大概你要開心十日十夜。


個案三
大概同個案二一樣應該係舊年代的事吧。寓工作於娛樂，寓娛樂於健身，今次威威了-點礦山！數學題:點度礦山？開估！反正就是當座山係個Cone，量體積。於是同事圍住個礦山好努力咁踩踩踩踩踩踩踩踩踩踩踩踩單車，終於攞到個圓周，再加上度下個仰角乘乘除除，好不容易同client 條數tie了！風和日麗踩單車的確仰賞心樂事，但年結能常都寒風刺骨。真心向敬業樂業的他致敬！


個案四
如果你夠好運的話，Stocktake將讓你感到紫醉金迷！你將有機會見到城中的某某某在五星酒店用餐，直搗紅酒庫，芝士房。望住幾廿萬果枝酒，真係郁都唔敢郁，深怕一個不留神打爛了的話不是賣身可解決喲！睇住侍應們熨枱布，抹渡金餐那股對新事物的好奇興奮，交錯住一絲絲的自卑...... 這可能激發你往上爬的欲望，又或者對已認命的你經歷了一世難忘的經驗。



相關閱讀：Big 4好唔好？Big 4在事業生涯上的五大功能